DIPLOMAS

Hoxe tocou a volta ao traballo despois destas pequenas vacacións e do ambiente festivo da semana pasada. A verdade é que non foi moi dura a volta, chegaron todos e todas contentos/as, expresándoo na elección das medallas ao chegar ao cole todos elixiron a amarela (alegría) e a verde (tranquilidade/calma) e falamos do que fixemos durante estes catro días sen cole.
Aínda que xa rematamos coa celebración do Samaín, quedábanos unha cousiña por facer e foi a entrega de diplomas aos nenos e nenas que participaron na decoración da casiña coas súas cabazas.
Fixemos a entrega de diplomas e de caramelos para todos (participaran ou non) e como calquera entrega de diplomas fixemos os saudos correspondentes e as fotos estiveron a cargo de Sara que foi hoxe a encargada do día.