TRABALLOS DO SAMAIN

O venres fixemos unhas caretas de cabazas. Este ano como xa somos dos maiores non precisamos axuda ningunha. Primeiro pintamos, segundo  pegamos nunha cartulina, terceiro picamos os ollos e a boca e por último recortamos.

Onte, luns, fixemos unhas coroas de arañas que levamos moi contentos hoxe para casa e coas que cantamos cancións do Samain.

E hoxe chegaron as primeiras cabazas para decorar a casiña. Anxo, Martín, Sofía e David chegaron moi contentos e ensinaron aos compis as súas cabazas terroríficas, explicaron con quen as fixeron, que materiais precisaron... e todos os  escoitamos moi contentos.

Antes de sair hoxe as 14:00 estivemos cantando e bailando:

                                          

INTELIXENCIAS MÚLTIPLES

Atopei esta imaxe e gustoume moito e por iso a comparto. Enfatizamos moito na lectura, escritura, sumar... sobre todo na escola e tradicionalmente considerábase que un neno ou nena intelixente adoitaba destacar nestas cuestións; pero a intelixencia vai máis alá de aí o término de intelixencias múltiples e todas son igual de importantes. Cada neno e cada nena pode destacar en cousas diferentes, a uns dáselles mellor unha cousa, a outros outra... trátase de traballalas todas e buscar un equilibrio aínda que loxicamente como nos pasa aos adultos pódensenos dar mellor unhas cousas que outras ou gustarnos máis unhas que outras.

A DRAGONA RAMONA

O mércores 12 de novembro as 12:00 os nenos e nenas da casiña teremos a visita da Dragona Ramona, estamos desexando saber qué conto nos contará.

CABAZA DO SAMAIN

Hoxe despois do recreo estivemos colaborando no mural que están facendo os pequeniños do cole (3 anos) coas mondas de mandarina unha gran cabaza, cando esté rematado xa poñeremos unha foto do resultado, se precisan máis axuda por suposto que baixaremos a seguir colaborando con eles. Aproveito para dicir que non traian máis que xa chegan as que xuntamos, moitas grazas coma sempre pola vosa colaboración.
Adiantarvos que o día 30 de outubro será a festa do Samain e como xa falamos na reunión poderán vir disfrazados.No cole farase un concurso de repostería como o curso  anterior, repítese pola marabillosa acollida que tivo o ano pasado. Como será un día de festa na casiña faremos unha merenda conxunta así que cada familia deberá aportar algo para compartir co resto, as bebidas as traeremos as profes. Grazas.

O NOSO PRIMEIRO DITADO

Hoxe fixemos o noso primeiro ditado  e fixémolo así de ben.

OUTONO

Hoxe a porta da clase de 4 anos apareceu cunha fermosa árbore de froitos de outono elaborados polos nenos e nenas de 4 anos.

PREPARAMOS A DECORACIÓN DO SAMAÍN

Os nenos e nenas de Educación Infantil partindo da idea das profes de 3 anos elaboraremos unha cabaza xigante con mondas de mandarina así que se podedes traer as pelas de todas aquelas que coman estos días sería de gran axuda. Mañá contareillo a eles que hoxe esquecinme de falar diso.

Aquí estamos traballando na decoración do Samaín....

"TENGO MIEDO"

Hoxe os nenos e nenas de 4 anos falaron dos medos. Ana elixiu este conto "Tengo miedo" porque  xa está chegando a semana do Samaín e son moi boas datas para aproveitar para falar dos medos de cada un. A sorpresa foi que ten unha clase de valentes xa que ningún deles tiña medos. Pablo contou que moitas veces soña con monstruos pero non ten medo.

FACENDO MOSTO

Como o ano pasado o profe Xoan nestas datas trouxo uvas e fixemos zume na clase. Despois tomámolo, aínda que non todos Martín e Yessi non se animaron. Candela Blanco probouno pero dixo que non lle gustaba, todos os demais  dixeron que lles gustara moito así que xa sabedes a tomar zume de uva que estamos na época.

LIM DA PREHISTORIA

Seguimos aproveitando recursos da rede grazas a que outros profes os preparan e os comparten.

EMOCIÓNS

A partir do conto "EL MONSTRUO DE COLORES" xurdiu esta idea. Ao entrar na clase pola mañá temos que poñer a medalla do monstruo da cor según nos sintamos e despois compartir co resto o motivo de porqué eliximos cada medalla.
AMARELO: alegría.
AZUL: tristeza.
VERMELLO: rabia
NEGRO: medo.
VERDE: tranquilidade.
 O primeiro día a maioría colleron o verde e o amarelo, o amarelo porque tiñan moitas ganas de vir ao cole dicían case todos. Pero algún como David elixiu o negro porque no coche camiño do cole escoitara unha canción que lle dera medo, Hugo a azul porque estaba triste porque non quería ir ao comedor... Durante estos 3 días saíron moitas cousiñas nesta charla de como nos sentimos.

medallas - Movie Maker

LECTURA POR PARELLAS

Os venres despois do recreo introducimos unha rutina nova: "A lectura". Nun primeiro momento individual e nun segundo momento por parellas. E así o fixemos:

lectura por parella - Movie Maker

MÁIS COUSAS DA PREHISTORIA

A verdade é que o recuncho da prehistoria medra e medra... temos moitísima información sobre a prehistoria e a evolución do home así como ferramentas, pelis, peles, pedras, un tipu... Cando comezamos o proxecto non podería imaxinar que xuntaríamos tantas cousas... mil grazas porque as ganas que teñen co proxecto e de aprender máis cousas son grazas a toda esa participación. MOITIIIIIIISIMAS GRAZAS DE NOVO!!! PELIS, CABAÑAS, LIBROS, REVISTAS, INFORMACIÓN..... SEN PALABRAS!!!

prehistoria1 - Movie Maker

RECUNCHO DA PREHISTORIA

O recuncho da prehistoria cambiou moito con todo o que trouxeron. Estaban ilusionados y querían saber moitas cousas.
Hoxe falamos un pouco dos animais prehistóricos e Breixo demostrou ser todo un experto do tema, falaunos do ESMILODONTE do MEGALOCERO...e aclaroulles aos despistados que os dinosaurios existiron pero antes da prehistoria, que non conviviron co home.
Moitas grazas pola vosa colaboración, sen estas cousas o proxecto non se podería levar a cabo, xa non polo material que aportades  máis importante é a motivación que traen eles ao traer estas cousiñas e ensinarllas ao resto de compis.

recuncho prehistoria - Movie Maker