Primeiro facemos unha primeira lectura na que teñen que centrar a atención na historia, sen imaxes, para que poidan imaxinar cada un os personaxes, as situacións, e non centren a atención no debuxo.
Nun segundo momento observamos as ilustracións e son eles os que contan a historia do conto a partir dos debuxos.
Por último facemos un análise do conto. Escribimos o título e o autor, facemos un debuxo do que máis nos gustou, indicamos se nos gustou o conto. A partir de aí traballamos palabras clave do conto como poden ser os personaxes.
A ficha que amoso a continuación (parte do conto AVÓS)e a fixeron individualmente .para que cada un tivera que pensar e non tivesen a tentación de mirar o que facía outro compañeiro ou compañeira. Dínlles primeiro as letras de AVÓ e as tiñan que colocar enriba dunha folla doutra cor. Cando consideraban que xa poñía AVÓ avisábanme e eu axudáballes a ler o que puxeran. Por exemplo se tiñan AOV líamos xuntos e despois deixáballes a A que era a correcta e tiñan que buscar outra solución e o mesmo procedemento. Cando xa pegaban AVÓ pasamos a palabra AVOA. Foi moi interesante observalos e como se decataban dos erros.
Nin que dicir ten que poden traer contos da casa o longo deste trimestre e tamén se vos animades encantados de que algún familiar veña a ler algún.
Tamén traballamos os personaxes escribindo e debuxando.
No hay comentarios:
Publicar un comentario