SISTEMA SOLAR, FOGUETE E FASES DA LÚA

Esta semana aprendemos moitas máis cousas sobre o universo grazas a todos os libros que foron traendo, tamén ao sistema solar que fixo Nuria coa súa nai que nos permite coñecer cantos planetas hai, cal é a orde de máis preto ou máis lonxe ao sol, como se escriben os nomes dos planetas... Como é moi visual e témolo colgado no teito podémolo ver en calquer momento do día.
 Tamén temos dous foguetes máis ademais do de David, un enorme que trouxo Adri e outro máis pequeniño que trouxo Xaquín. Isto permitiunos falar da primeira "astronauta" a cadela Laika que orbitou a terra.
 Coa información dos libros falamos do día e da noite, porque as veces podemos ver o sol e outras non, os movementos da terra... a verdade é que en poucos días que levamos xa está dando moito de sí o proxecto. Falade con eles/as na casa a ver que ideas traen.
 Outro tema que tocamos foi as fases da lúa grazas a un marabilloso traballo de Alba coa súa familia.

 Aquí tedes unha mostra do que aconteceu estos días.